BINIGYANG-DIIN NI PRESIDENT FERDINAND R. MARCOS JR. MATAPOS ANG MAGKAKASUNOD NA TRAHEDYANG KINASANGKUTAN NG KABATAANG PILIPINO, KABILANG ANG SHOOTING INCIDENT SA ISANG HIGH SCHOOL SA TACLOBAN CITY, AT DALAWANG INSIDENTE NG PANANAKSAK SA ILANG PAARALAN SA CAVITE. IPINAG-DADALAMHATI RIN NG PANGULO ANG PAGKALUNOD NG DALAWANG STUDENT-ATHLETE NG ATENEO DE MANILA UNIVERSITY, HABANG NASA TEAM-BUILDING ACTIVITY.
KAUGNAY DITO, IGINIIT NG PANGULO NA ANG PAARALAN AY DAPAT MAGING LUGAR NG PAGKATUTO, PANGARAP, AT PAG-UNLAD, AT HINDI LUGAR NA MAGDADALA NG PANGAMBA SA MGA MAGULANG PARA SA KALIGTASAN NG KANILANG MGA ANAK.
PERO HINDI ANIYA SASAPAT ANG PAGKILOS NG PAMAHALAAN KUNG HINDI MAGIGING AKTIBO ANG MGA MAGULANG AT MGA GURO SA PAGGABAY SA MGA BATA.
DAPAT DIN ANIYANG TIYAKING MAHIGPIT NA NASUSUNOD ANG MGA PANUNTUNAN SA KALIGTASAN, SA LOOB MAN NG SILID-ARALAN, SA MGA FIELD TRIP, TRAINING CAMPS, O IBA PANG MGA AKTIBIDAD SA ESKWELA.
GIIT NG PANGULO, KAILANGANG MAIBALIK ANG PAGPAPAHALAGA SA BUHAY NG TAO, PAGTUTURO NG TAMANG-ASAL, PAG-UUGALI, AT PAG-IISIP.
PAYO PA NG PANGULO SA MGA MAGULANG, MAY MGA PAGKAKATAONG ANG ORAS, ATENSYON, AT PANG-UNAWA ANG PINAKAMAHALAGANG PROTEKSYONG KANILANG MAIBIBIGAY SA KANILANG MGA ANAK.
PAGBIBIGAY-DIIN PA NIYA, ANG TUNAY NA LAKAS NG BANSA AY NAKASALALAY SA KALIGTASAN, KAPAKANAN, AT MGA PANGARAP NG SUSUNOD NA HENERASYON.