ISANG CONGRESSIONALT INQUIRY ANG PINAG-AARALANG IHAIN… NG TINGOG PARTY-LIST… SA PANGUNGUNA NI REPRESENTATIVE ANDREW JULIAN ROMUALDEZ… KASAMA SI LEYTE FIRST DISTRICT REPRESENTATIVE MARTIN ROMUALDEZ… KAUGNAY SA NANGYARING SCHOOL SHOOTING SA SAN JOSE NATIONAL HIGH SCHOOL SA TACLOBAN CITY… NA IKINASAWI NG TATLONG MAG-AARAL… AT ANG MGA NAMARIL… AY KAPUWA MENOR DE EDAD NA ESTUDYANTE RIN NG PAARALAN.
AYON KAY REPRESENTATIVE ROMUALDEZ… LAYON NG IMBESTIGASYON NA HINDI LAMANG PANAGUTIN ANG MGA RESPONSABLE KUNDI ALAMIN DIN ANG MGA PAGKUKULANG SA SISTEMANG DAPAT NAGPOPROTEKTA SA MGA BATA.
KABILANG SA MAAARING BUSISIIN ANG JUVENILE JUSTICE SYSTEM, SCHOOL SAFETY PROTOCOLS, MENTAL HEALTH AT COUNSELING SERVICES AT KOORDINASYON NG MGA PAARALAN, MAGULANG, BARANGAY AT MGA AHENSYA NG PAMAHALAAN.
SAMANTALA, NANAWAGAN NAMAN SI HOUSE MINORITY LEADER AT 4PS PARTY-LIST REP. MARCELINO “NONOY” LIBANAN SA KONGRESO NA HIGPITAN ANG ACCESS NG MGA MENOR DE EDAD SA SOCIAL MEDIA… REPASUHIN ANG JUVENILE JUSTICE AND WELFARE ACT… AT TUGUNAN ANG KAKULANGAN NG LICENSED GUIDANCE COUNSELORS SA MGA PAMPUBLIKONG PAARALAN.
AYON KAY LIBANAN, MAHALAGANG MAPIGILAN ANG IMPLUWENSYA NG MAPAMINSALANG ONLINE CONTENT AT MAPALAKAS ANG MENTAL HEALTH SUPPORT SA MGA PAARALAN UPANG MAKATULONG SA PAG-IWAS SA KARAHASAN.
HINIMOK RIN NI LIBANAN ANG COMMISSION ON HIGHER EDUCATION AT DEPARTMENT OF EDUCATION NA MAGTULUNGAN UPANG HIKAYATIN ANG MAS MARAMING KWALIPIKADONG GURO NA KUMUHA NG MASTER’S DEGREE SA GUIDANCE AND COUNSELING O PSYCHOLOGY. AYON SA KANYA, MAAARING ISULONG ITO SA PAMAMAGITAN NG SCHOLARSHIP, CAREER INCENTIVES, AT IBA PANG SUPORTA UPANG MATUGUNAN ANG KAKULANGAN NG MGA LISENSYADONG GUIDANCE COUNSELOR SA BANSA.
SA ISANG LIHAM, HINILING NAMAN NI HOUSE COMMITTEE ON PUBLIC ORDER AND SAFETY VICE CHAIR AT ABRA LONE DISTRICT REP. JB BERNOS SA ABRA POLICE PROVINCIAL OFFICE NA PALAKASIN ANG POLICE VISIBILITY AT SEGURIDAD SA MGA PAARALAN SA PAMAMAGITAN NG MAS MADALAS NA PAGPAPATROLYA AT MAS MAIGTING NA KOORDINASYON SA MGA SCHOOL OFFICIALS AT LOKAL NA PAMAHALAAN. ITO AY UPANG MATIYAK ANG KALIGTASAN AT SEGURIDAD NG MGA MAG-AARAL, GURO, AT IBA PANG KAWANI NG PROBINSYA.
SUPORTADO RIN NI BERNOS ANG PAGSASAGAWA NG CONGRESSIONAL INQUIRY UPANG MASURI ANG MGA USAPIN SA SEGURIDAD NG MGA PAARALAN, PAGKALAT NG MGA ILEGAL NA BARIL, AT IBA PANG ISYUNG MAY KAUGNAYAN SA INSIDENTE.