NGAYONG MAY 1, PERSONAL NA ININSPEKSYON NG PANGULO ANG JOB FAIR NG DEPARTMENT OF LABOR AND EMPLOYMENT SA GENERAL SANTOS CITY.
TAMPOK DIN ANG SKILLS DEMONSTRATIONS NG TECHNICAL EDUCATION AND SKILLS DEVELOPMENT AUTHORITY, MGA YAMAN NG KALUSUGAN PROGRAM NG PHILIPPINE HEALTH INSURANCE CORP. O PHILHEALTH – PARA MALAYO SA SAKIT, AT ONE-STOP SHOP PARA SA SERBISYO AT TULONG NG IBA PANG AHENSYA.
KINAMUSTA RIN NG PANGULO ANG JOB FAIRS NA SABAYANG IDINARAOS SA KABUUANG SIYAMNAPU’T APAT NA LUGAR SA BANSA, KUNG SAAN ALOK ANG KABUUANG 150,000 NA TRABAHO.
INIULAT DIN NG CHIEF EXECUTIVE NA MULA JUNE 2022 HANGGANG PEBRERO NGAYONG TAON, LAGPAS 6,600 JOB FAIR NA ANG NAISAGAWA SA BANSA, KUNG SAAN HIGIT 1.5 MILLION JOB SEEKERS ANG INALALAYAN, AT MAHIGIT 250,000 ANG HIRED ON THE SPOT.
TINIYAK NAMAN NG PANGULO ANG TULOY-TULOY NA PAG-AANGAT SA KALIDAD NG TRABAHO AT PAMUMUHAY NG MGA PILIPINO PARA MAKASABAY SA NAGBABAGONG PANAHON.